Ísfell var stofnað í febrúar 1992 af Pétri Björnssyni, Hólmsteini Björnssyni, Páli Gestssyni og Jóni Leóssyni. Upphafleg starfsemi fyrirtækisins fólst í innflutningi á veiðarfærum og efnum til veiðarfæragerðar. Með innri vexti, uppkaupum og sameiningu á fyrirtækjum sem falla vel að starfsemi fyrirtækisins, hefur Ísfells dafnað og orðið farsælt fyrirtæki í rekstri.
Stærsta breytingin á fyrirtækjarekstri Ísfells var árið 2003 þegar Icedan og Ísfell voru sameinuð undir nafni Ísfells. Þar með breyttist Ísfell úr heildsölufyrirtæki í fyrirtæki sem starfrækti bæði heildsölu og veiðafæragerð.
Innri vöxtur Ísfells í gegnum áratugina
Ísfell kaupir Netagerð Höfða á Húsavík / Ísfell acquires Netagerðin Höfði in Húsavík
Ísfell kaupir Veiðarfæragerð Hornafjarðar ehf. / Ísfell acquires Veiðarfæragerð Hornafjarðar ehf.
Ísfell kaupir Dímon Línu / Ísfell acquires Dímon Lína
Starfsemin
Höfuðstöðvar ásamt aðallager fyrir allar starfstöðvar fyrirtækisins á Íslandi eru að Óseyrarbraut 28 í Hafnarfirði. Fyrirtækið rekur 8 þjónustu- og framleiðslueiningar um land allt: Akureyri, Hafnarfirði, Húsavík, Ólafsfirði, Patreksfirði, Sauðárkróki, Vestmannaeyjum og Þorlákshöfn.
Hönnun, þróun og framleiðsla
Ísfell leggur mikla áherslu á vöruþróun og hefur fyrirtækið verið leiðandi í hönnun, þróun og sölu á veiðarfærum í yfir þrjá áratugi, ásamt sölu á útgerðar-, fiskeldis-, björgunar-, bindivörum, hífilausnum og ýmsum rekstrarvörum. Í vöruþróun fyrirtækisins er lögð áhersla á að vera í góðum samskiptum við birgja, útgerðir, sjómenn og viðskiptavini, til að heyra þeirra kröfur og væntingar. Í vöruþróuninni er horft til þeirra umhverfis- og öryggisviðmiða sem eru í gildi hverju sinni.
Samstarf við Selstad A/S
Ísfell er í nánu samstarfi við Selstad AS í Noregi þegar kemur að fiskeldi. Í samstarfi við Selstad, hannar og selur Ísfell allar gerðir fiskeldispoka, fuglaneta og kastnætur að óskum og þörfum kaupanda. Vörur frá Ísfelli og birgjum uppfylla staðalinn NS9415 sem lagður er á fiskeldisframleiðendur.
Ein fullkomnasta þjónustustöð fyrir fiskeldi á landinu
Árið 2019 reistu Ísfell eina fullkomnustu þjónustustöð fyrir þvott og yfirferð á fiskeldispokum við höfuðstöðvar sínar í Hafnarfirði. Pokarnir eru þvegnir í stórri þvottavél og sótthreinsaðir, netin og íhlutir yfirfarnir, framkvæmd eru styrkleikapróf og pokarnir viðgerðir ef þörf þykir.
Sterk öryggismenning
Sterk öryggismenning hefur verið að festast í sessi hjá útgerðum og fyrirtækjum hérlendis. Ísfell vinnur markvisst að því að draga úr áhættu við vinnu í sjávarútvegi og í starfsumhverfi viðskiptavina. Það gerir fyrirtækið á eftirfarandi hátt:
- Öryggi á sjó er eitt það fyrsta sem allir sjófarendur þurfa að huga að áður en haldið er af stað í siglingar. Ísfell er í samstarfi við skoðunarstöðvar á björgunarbúnaði víðsvegar um landið. Allar skoðunarstöðvarnar eru viðurkenndar af Siglingamálastofnun og framleiðendum á viðkomandi björgunarbúnaði. Ísfell er með mikið úrval af björgunarbúnaði fyrir sjófarendur og hafnir: Bjarghring og fylgihluti, björgunar- og flotbúninga, björgunarbáta, björgunarbelti, björgunarnet, björgunarvesti, flugelda, vinnu og MOB báta og öryggishjálma.
- Ísfell er eina fyrirtækið á Íslandi sem er meðlimur að LEEA (Lifting Equipment Engineers Association). LEEA eru alþjóðasamtök lyftitækni greina, sem starfa á heimsvísu og eru leiðandi samtök hvað varðar alla starfsemi fyrirtækja sem nota og framleiða hífíbúnað. Ísfell sérhæfir sig í sölu á hífi- og fallvarnarbúnað og hefur leyfi til þess að skoða búnað sem skylt er að gera a.m.k. einu sinni á ári. Með aukinni öryggismenningu er orðið sífellt algengara að fyrirtæki sendi starfsmenn sína á hífi- og fallvarnarnámskeið hjá Ísfelli, þar sem farið er yfir notkun og meðhöndlun slíks búnaðar. Á námskeiðinu er lögð áhersla á að minnka slysahættu með réttri meðhöndlun búnaðar og að búnaður endist sem lengst. Að loknu námskeiði, eftir að hafa sýnt fram á þekkingu sína á námsefninu gefur Ísfelli út viðurkenningarskírteini um viðkomandi hafi tekið námskeið hjá fyrirtækinu með fullnægjandi árangri.
Gæði og framúrskarandi þekking
Hjá Ísfelli starfar framúrskarandi starfsfólk með yfirgripsmikla þekkingu á víðtækum sviðum. Við hjálpum hvort öðru að ná árangri með því að vinna saman sem ein heild. Á þann hátt stuðlum við að árangri viðskiptavina okkar með því að veita framúrskarandi þjónustu og lausnir. Í nánu samstarfi við viðskiptavini, stuðlar Ísfell að nýsköpun og stöðugum umbótum.