Reglubundið eftirlit með hífibúnaði er mikilvægt. Reynslan sýnir að þegar mistök eða slys eiga sér stað við hífingar er það annaðhvort vegna þess að rétt vinnubrögð eru ekki viðhöfð eða þá að hífibúnaðurinn er úr sér genginn, slitinn eða hefur orðið fyrir hnjaski og ekki verið skipt út eða lagfærður.

Meðal nýjunga í starfsemi Ísfell er að bjóða upp á stutt og hnitmiðuð námskeið í meðferð og umgengni hífibúnaðar fyrir þá starfsmenn fyrirtækja sem vinna við hífingar. Tilgangur með þessum námskeiðum er að auka þekkingu starfsmanna á öryggisþáttum varðandi hífingar, til að fækka slysum og lágmarka tjón sem getur orðið á vörum og búnaði.