1. Tilgangur

Tilgangur stefnunnar er að setja skýrar leiðbeiningar og stjórnunarúrræði til að tryggja að Ísfell ehf (“Ísfell”) og tengdir aðilar fylgi öllum viðeigandi lögum, reglum og stöðlum gegn mútum og spillingu. Stefnan undirstrikar skuldbindingu fyrirtækisins til að stunda viðskipti af heilindum, með heiðarleika, gagnsæi og samfélagslegri ábyrgð að leiðarljósi.

2. Gildissvið

Stefnan á við alla starfsmenn, stjórnendur, ráðgjafa, verktaka, umboðsmenn og aðra þriðju aðila sem starfa fyrir eða í þágu Ísfells.

3. Stefnu yfirlýsing

Ísfell skuldbindur sig til að stunda viðskipti af heilindum, heiðarleika og sanngirni. Allir sem tengjast Ísfelli skulu starfa á faglegan og siðferðilegan hátt í öllum viðskiptum.

4. Lög og reglur

• Allir starfsmenn og tengdir aðilar skulu fara eftir öllum viðeigandi lögum gegn mútum og spillingu þar sem fyrirtækið starfar.
• Starfsmenn skulu viðhalda skilningi á lögum og reglum sem tengjast þeirra starfi.
• Ef vafi leikur á lögmæti aðgerðar skal leita ráðgjafar hjá lögfræðingi fyrirtækisins áður en aðgerð er framkvæmd.
• Starfsmenn bera ábyrgð á að koma í veg fyrir brot og tilkynna yfirstjórn ef grunur vaknar um brot á lögum eða reglum.

5. Skilgreining á mútum

• Mútur eru þegar aðila er boðið, gefið eða lofað einhverju verðmæti til að hafa áhrif á starf, ákvörðun eða hegðun einstaklings.
• Mútugreiðsla getur verið peningur, gjöf, greiði, þjónusta eða annað verðmæti sem ætlað er að hafa óeðlileg áhrif á viðskiptaniðurstöðu.
• Beiting múta, beint eða í gegnum þriðja aðila, er stranglega bönnuð.

6. Gjafir, gestrisni og skemmtanir

Venjulegar og hóflegar gjafir eða gestrisni eru leyfðar, ef þær:

• Eru ekki ætlaðar til að hafa áhrif á viðtakanda til að fá eða viðhalda viðskiptum.
• Fylgja staðbundnum lögum.
• Eru gefnar í nafni fyrirtækisins, ekki einstaklings.
• Eru opnar og gagnsæjar.
• Gjafir eða gestrisni til eða frá stjórnmálamönnum, opinberum starfsmönnum eða stjórnmálaflokkum krefjast samþykkis frá framkvæmdastjóra Ísfells.

7. Pólitísk- og góðgerðarframlög

• Framlög til stjórnmálaflokka, stjórnmálamanna eða frambjóðenda eru bönnuð nema með skýru samþykki framkvæmdarstjóra Ísfells og í samræmi við lög.
• Góðgerðarframlög skulu vera gagnsæ, skráð á réttan hátt og má ekki nota sem leið til að fela mútur.

8. Ábyrgð

• Allir starfsmenn bera ábyrgð á að kynna sér og fylgja stefnu þessari.
• Grunur um brot eða áhyggjur skulu tilkynntar til framkvæmdarstjóra eða stjórnar.
• Stjórnendur skulu stuðla að fylgni innan síns teymis og tryggja að starfsmenn fái viðeigandi þjálfun.

9. Tilkynning og vernd uppljóstrara

• Ísfell hvetur starfsmenn til að tilkynna áhyggjur af heilindum án ótta við hefnd.
• Allar tilkynningar skulu berast til framkvæmdastjóra Ísfells, vera rannsakaðar fljótt og á viðeigandi hátt.

10. Agabrot og refsingar

• Brot á stefnu þessari getur leitt uppsagnar eða að ráðningarsamningi er sagt upp.
• Brot geta einnig verið refsiverð; í slíkum tilvikum mun Ísfell tilkynna málið til lögreglu eða viðeigandi stjórnvalda.

11. Skráning gagna

• Nákvæm skráning á viðskiptum, gjöfum og gestrisni skal haldið í samræmi við ferla fyrirtækisins.
• Öll reikningsskráning og fjármálaskjöl skulu endurspegla raunverulegt eðli viðskipta.

12. Þjálfun og miðlun

• Ísfell mun veita reglulega þjálfun í siðferði gegn mútum og spillingu fyrir alla starfsmenn og tengda aðila.
• Stefna þessu þessari og breytingum á henni verður komið á framfæri til allra starfsmanna til að tryggja skilning og fylgni.

13. Eftirlit og endurskoðun

• Framkvæmdastjóri og stjórn Ísfells bera ábyrgð á því að stefnu þessari sér framfylgt.
• Stefnan verður endurskoðuð á 3 ára fresti og uppfærð eftir þörfum til að endurspegla þær lagabreytingar og reglugerðir sem eiga við hverju sinni.