Rafrænt grunnnámskeið í notkun og meðferð hífi- og fallvarnarbúnaðar
Á annan áratug hefur Ísfell boðið upp á grunnnámskeið í notkun og meðferð hífi- og fallvarnarbúnaðar. Nú býður Ísfell upp á þá nýjung að aðilar geta tekið námskeiðið í gegnum heimasíðu fyrirtækisins á þeim hraða sem hentar hverjum og einum. Að loknu námskeiði, ef aðilar geta sýnt fram á þekkingu á námsefninu, gefur Ísfell út viðurkenningarskírteini sem staðfestir að viðkomandi aðili hafi lokið grunnnámskeiðinu hjá fyrirtækinu með fullnægjandi árangri.
Með aukinni öryggismenningu er orðið sífellt algengara að fyrirtæki sendi starfsmenn sína á námskeið til að uppfylla þær kröfur sem gerðar eru til starfsmanna í notkun og meðferð hífibúnaðar.
Markmið námskeiðsins er að minnka slysahættu á vinnustað og stuðla að góðri meðhöndlun á búnaði þannig að ending verði sem lengst.
Skráning neðst á síðunni.
Grunnnámskeið í meðferð á hífibúnaði
